ВМРО-ДПМНЕ: Граѓаните да не подлегнуваат на манипулации од СДСМ
СДСМ веќе не може да го сокрие стравот од изборите на 5 јуни и мора да прибегнува кон се поголеми лаги и манипулации за да се оправда за фактот дека нема поддршка од граѓаните за нивната деструктивна политика, соопшти попладнево ВМРО-ДПМНЕ.
СДСМ, наведува во соопштението владејачката партија, на почеток почна со спорење на гласот на 1.000 граѓани, па го зголемија бројот на неколку десетици илјади, па потоа одеа со број помеѓу 150.000 и 200.000 граѓани за да дотуркаат до 500.000 граѓани кои се спорни за нивните медиуми. - Како што се зголемува стравот и паниката во СДСМ, така се зголемува и бројот на граѓани кои се спорни за СДСМ и нема да не зачуди доколку во наредните недели тој број порасне на 2 милиони, оценува владејачката партија.
ВМРО-ДПМНЕ во соопштението наведува дека ги охрабрува граѓаните да не подлегнуваат на манипулациите и лагите кои секојдневно се лиферуваат од страна СДСМ и нивните медиуми и да ги зема со резерва.
- Единствената намера на СДСМ е да се креира хаос, тензија и криза бидејќи партијата може да егзистира само во такви услови. ВМРО-ДПМНЕ инсистирало и ќе продолжи да инсистира да се почитува основното демократско правило еден човек - еден глас. ВМРО-ДПМНЕ ќе продолжи да дава поддршка на институциите кои работат на спроведувањето на избирачкиот процес, се вели во соопштението.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска