Владина делегација положи цвеќе на гробот на Киро Глигоров
Владина делегација денеска положи цвеќе на гробот на поранешниот претседател на Република Македонија, Киро Глигоров, кој почина на денешен ден во 2012 година.
Делегацијата, како што информираат од Влада, била предводена од министерот за култура Роберт Алаѓозовски, придружуван од министерката задолжена за странски инвестиции Зорица Апостолска и заменик министерот за локална самоуправа Дејан Павлески.
Киро Глигоров беше избран за Претседател на Република Македонија на 27 јануари 1991 година и беше на функцијата до 19 ноември 1999 година.
За време на неговиот мандат се случиjа некои од најважните настани од современата историја на Република Македонија. На референдум на 8 септември 1991 бeше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите нации.
Ново на Сител
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите