Велковски: Шпанија е предизвик за секој играч

Нашите најдобри фудбалери денеска по дождливото време го одржаа и вториот тренинг во центарот „Петар Милошевски“. На мала повреда се пожали капитенот Горан Пандев но последниот рапорт е дека ќе биде подготвен за дуелот во Гранада. Тон даваат фудбалерите кои играа успешно во младата селекција.

Дарко Велковски вели дека Шпанија е можеби најкомплетната репрезентација на светот, но наше е да играме фудбал и да бидеме вистински на теренот.

-Мораме да размислуваме за себе, да бидеме вистински тим на теренот и повторно да докажеме дека можеме да се носиме со најдобрите како што тоа го правеше екипата против Италија. Тие се можеби најкомплетната репрезентација во светот, за сите е тешко кога играат против нив, но битно за нас е што покажуваме страст кон работата и што владее одлична атмосфера. Ќе се бориме. Кај нас помладите во репрезентацијата се чувствува позитивна нервоза, но добро работиме на подготовките, физички и ментално сме спремни, изјави Дарко Велковски.