Вардар во Велес месецов над просекот за април

 - Според информацијата од Центарот за управување со кризи Вардар во Велес сите денови досега во април, бил со ниво кое е над просекот за април кој изнесува 108 сантиметри.

 

Вредностите кај Стар мост редовно ги мерат од УХМР.

 

Инаку највисок водостој од 170 сантиметри бил измерен на 8 април, а во изминатите седум  денови варирал од 130 до 160. Во саботата  бил 160, а  вчера и денеска биле измерени 150 сантиметри.

 

Стручњаците појаснуваат дека причина за ваквата состојба со Вардар имаат зголемените температури кои придонеле за топење на снегот, а со тоа и зголемување на водостојот на реките.

 

Воедно по денешниот краткотраен дожд и дождот во наредните денови, се очекува понатамошно зголемување на водостојот и со тоа зголемување на нивото на реката Вардар.а