Вардар „прокоцка“ победа на гостувањето кај Висла

Ракометарите на Вардар пропуштија голема можност да забележат победа на гфострувањето во Плок кај Висла во првиот дуел од 1/8-финалето во Лигата на шампионите.

„Црвено-црните“ испуштија победа во финишот на мечот, откако во 56.минута имаа и предност од четири гола (29:25).

Во последната минута Висла намали на 30:29, а Дејан Манасков на 45 секунди до крајот не реализраше удар од седум метри. Адам Висниевски во последните секунди ги постави конечните 30:30.

Игор Карачиќ и Лука Циндриќ со по 6 голови беа најефикасни кај Вардар, додека кај Висла Тиаго Роча постигна 7 голови.

Реваншот во Скопје се игра на 26.март.

Останатите натпревари од 1/8-финалето ќе се играат викендов, а двојките се:

сабота
Мешков Брест - Киелце
Моторот Запорожје - Веспрем
Монпелје – Фленсбург
Загреб - Рајн Некар Ловен.
недела
ПИК Сегед – Кил