Вангеловски: Гонет сум само затоа што на Неделкова не и исплатив надоместок на плата

Јавноста треба да види како оштетената судијка Лидија Неделкова се однесува во овој судски процес против мене, изјави обвинетиот поранешен претседател на Врховниот суд Јово Вангеловски.

Иако тој беше разрешен од функцијата судија, не сакаше да коментира дали смета дека е дел од прочистувањето во правосудниот систем.

За него е збунувачки што обвинителството го гони само затоа што на Неделкова не и исплатил паричен надоместок и покрај тоа што неоправдано отсуствувала од работа повеќе од 3 дена. Вангеловски посочи дека законски за тоа следува отказ.

Денешното рочиште не почна, поради отсуство на судијата.

Елена Милошевска