Управниот суд денеска ќе расправа по тужбите на Европскиот фронт
Во Управниот суд за денеска се закажани седум јавни седници на кои треба да се разгледаат тужбите поднесени од коалицијата „Европски фронт“ предводен од ДУИ против решенијата на Државната изборна комисија за парламентарните избори што се одржаа на 8 мај.
Првата седница е закажана во 10:30 часот, а последната во 22:30 часот. Седниците, како што стои на официјалната веб страница, треба да се одржат со временско растојание од два часа.
Коалицијата „Европски фронт“ во изминатите денови на прес-конференции обвини за изборен инженеринг, односно дека преку ДИК се прави обид да им се одземат еден до два пратенички мандати.
Вчера и премиерот на техничката Влада Талат Џафери ги повика сите институции да постапуваат согласно закон без партиски директиви од која било страна.
- Како премиер на Владата на Република Северна Македонија и одговорен за успешноста на изборниот процес на претседателските и парламентарните избори имам добиено извештај од учесниците во изборниот процес за вознемирување во однос на обиди за изборен инжинеринг со вонинституционален меѓупартиски договор за гласање и надгласување во ДИК во врска со симптоматичните приговори поднесени од страна на учесниците на изборите, рече Џафери на прес-конференцијата во Владата.
Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ има освоено 58 пратенички мандати, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ - 18, Коалицијата ВЛЕН - 13, а Движењето ЗНАМ за наша Македонија и Левица по шест пратенички мандати.
Ново на Сител
-
Хаос во Карпош: Масовна тепачка со лопати, секири, ножеви, изваден бил и пиштол
-
Земјоделците од светиниколско го блокираа експресниот пат Штип - Велес
-
Кина: НАТО да престане да ја префрла вината за војната во Украина
-
Средба на претседателката Сиљановска Давкова со унгарскиот амбасадор Клајн
-
Собранието ги избра составот на Буџетскиот совет на Собранието и на Советот на Собранискиот канал
-
До крајот на неделава жолто и портокалово ниво за опасност од високи температури
-
Публикација „Чад на хоризонтот” за нелегалното оружје на Балканот
-
Почина Стојан Андов