Украинскиот Парламент ја избра новата Влада
Украинските пратеници денеска ја избраа новата Влада, на чие чело е поранешниот претседател на Врховната рада, Володомир Гројсман, кој доаѓа на местото на Арсениј Јацењук, кој поднесе оставка, јави ТАСС.
Досегашните министри за надворешни, за внатрешни работи и за одбрана ги задржуваат функциите и во новата Влада.
Гројсман, најмладиот премиер во историјата на украинската државност, е роден на 20 јануари 1978 година во градот Виница. Тој завршил Правен факултет, по што извршувал раководни должности во бизнис структурите, а потоа станува градоначалник на Виница. Дипломирал и на украинската Претседателска академија за државно управување.
Во февруари 2014 година стана вицепремиер и министер за регионален развој, а ја предводеше и владината комисија, која ги истражува причините за несреќата на авионот Боинг-777 во Доњецката област.
Избран е за пратеник во Врховната рада кон крајот на 2014 година и станува нејзин претседател. Тој е женет и има три деца.
Гројсман вети дека ќе ги продолжи реформите, специјално со цел да биде обновена помошта од Западот.
Ново на Сител
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното