Ученик претепан на голем одмор пред среднo училиште во Скопје, еден од напаѓачите извадил пиштол

Шеснаесетгодишен ученик бил физички нападнат од две лица за време на големиот одмор пред средно училиште на подрачјето на Шуто Оризари во Скопје. Еден од напаѓачите извадил и пиштол, но не пукал.

Како што информираат од Министерството за внатрешни работи, случајот бил пријавен вчера (19 октомври) околу 16 часот во СВР Скопје од страна на Р.С. (41) од Скопје, татко на нападнатиот малолетник.

Според пријавата, неговиот 16-годишен син бил нападнат од две лица пред училиштето во кое учел, при што едниот од нив извадил огнено оружје, но не испукал куршум.

Од МВР информираат дека се преземаат мерки за расчистување на случајот.