Убиен лидерот на огранокот на ИД во Авганистан и во Пакистан

Лидерот на огранокот на Исламска држава во Авганистан и во Пакистан загина во напад со американски дром во источен Авганистан, изјави авганистанскиот амбасадор во Пакистан, Омар Закилвал.

- Можам да потврдам дека лидерот на огранокот на ИД Курасан Хафиз Саид Кан, заедно со своите команданти и борци загина во американски напад со дрон на 26 јули во авганистанската област Кот, изјави авганистанскиот амбасадор Закилвал.

Портпаролот на воената коалиција предводена од САД во Кабул не ја потврди информацијата за погинувањето на Кан, но истакна дека се спроведува истрага.

За Кан, поранешен припадник на пакистанскиот огранок на талибанците, кој се заколна на верност на ИС, досега повеќе пати се тврдело дека загинал.