Фицо: Постои растечка недоверба во ЕУ поради Украина

Словачкиот премиер, Роберт Фицо оцени дека постои растечка недоверба внатре во ЕУ поради Украина, поради тоа што раководството на Унијата продолжува да го поддржува Киев на штета на земјите членки.
– Недовербата внатре во ЕУ расте со огромна брзина. Ако ЕУ им даде приоритет на интересите на Украина пред легитимните интереси на земјите членки на ЕУ, тоа ќе доведе до неможност на Унијата да носи важни одлуки кои бараат согласност од сите земји членки-наведе Фицо во видео обраќање на Фејсбук.
Фицо истакна дека проблем особено би било одобрувањето на новиот пакет санкции на ЕУ против Русија. Тој континуираното финансирање на Украина го нарече „идеолошко лудило“. Фицо рече дека ЕУ мора да преземе иницијатива за мирно решавање на конфликтот и да посвети максимално внимание на неговото спроведување.
Фицо исто така го критикуваше пристапот на германскиот канцелар Фридрих Мерц кон конфликтот во Украина, односно неговата изјава дека треба да се поддржува војната во Украина „додека Русија целосно не се исцрпи“.
– Тоа е нереална и опасна стратегија која го продлабочува конфликтот меѓу Европа и Русија. Европа со тоа презема целосна одговорност за финансирање на војната во Украина, што е сосема неодговорно во време на засилени меѓународни тензии, и претставува економско самоубиство во време на борба за подобрување на конкурентноста на ЕУ-оцени Фицо.
МИА
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
