Македонија
25. March 2021 - 14:22

Уапсени две лица при обид за продажба на хероин во Тетово

Тетовската полиција денеска на дело фати две лица при извршување на продажба на хероин. Акцијата за приведување е изведена на улицата „Боро Вулиќ“ во Тетово.

-Денеска (25 март) околу 10 часот и 30 минути, на улица „Боро Вулиќ“ во Тетово, полициски службеници на СВР Тетово ги лишиле од слобода О.Д. (48) од Тетово и Р. Н. (48) од тетовско Јажинце. При нивен преглед им бил пронајден хероин, кој О. Д. му го продавал на Р. Н, информира Марјан Јосифоски, портпарол на СВР Тетово.

Двајцата се задржани во Полициската станица Тетово и по целосното расчистување и документирање на случајот ќе им бидат изготвени соодветни поднесоци.