Уапсен таткото на убиецот од Младеновац, пронајдени оружје и муниција | ВИДЕО

Полицијата го уапси Радиша Блажиќ, таткото на Урош Блажиќ, кој е осомничен за убиство на осум лица.

Српската полиција објави видео од апсењето, на кое се гледа како мажот е врзан со лисици.

При претрес на објектот што го користел осомничениот Радиша, пронајдени се неколку стотици куршуми различен калибар, еден пиштол и еден револвер.

Пронајден е и рачно изработен уред за чкрапало, како и неколку оптички нишани и други разновидни делови за огнено оружје.

На Радиша Блажиќ, поранешен припадник на вооружените сили на Србија, му е одреден притвор до 48 часа.

Како што дознава „Блиц“, тој се товари за недозволено поседување оружје и пуштање во промет експлозивни материи.

Синот на Радиша, Урош Блажиќ, беше уапсен во селото Вињиште кај Крагуевац, 9 часа откако уби 8, а тешко повреди 14 лица. По сослушувањето, Урош доби притвор до 30 дена.