Уапсен поранешен портпарол на Нетанјаху и уште еден негов соработник
Израелската полиција соопшти дека во рамките на истрагата за корупција на премиерот на Израел Бенјамин Нетанјаху уапсени се двајца негови блиски соработници - неговиот поранешен портпарол и поранешниот генерален секретар на Министерството за комуникации на Израел.
Поранешниот портпарол Нир Хефец и генералниот секретар на Министереството Шломо Филбер се обвинети дека поддржале одредби вредни неколку стотини милиони долари, кои требале да одат во корист на израелска компанија за телекомуникации „Безек“, а за возврат да добијат поволно претставување на Нетанјаху во медиумите.
Нетанјаху уште не е осомничен за овој случај, но се очекува да биде сослушан.
Во притвор е и мнозинскиот акционер на „Безек“, Шаул Елович, како и неговата сопруга, синот и други високи функционери на „Безек“.
Пред неколку дена, израелската полиција упати предлог до државниот обвинител да го обвини Нетанјаху за примање мито и измама, бидејќи постојат доволно докази за покренување на обвинение.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид