Турција доставила до САД список на Сиријци подготвени да се борат против ИД

Турција доставила до САД список со имињата на 1 800 членови на сириската умерена опозиција, подготвени да се борат против групата „Исламска држава" во Сирија, пренесе агенцијата ТАСС.

Според турскиот телевизиски канал „Хабер Турк" тоа го соопштил претседателот на Турција Реџеп Таип Ердоган за време на разговорот со турските новинари во турската амбасада во Вашингтон.

- Ние доставивме на САД список со имињата на 1 800  луѓе, кои се наоѓаат во овој регион и се целосно подготвени да се борат против „Исламска држава". Други 600 имиња дополнително ќе обезбедиме. Дел од овие лица се Арапи, а други се сириски Туркмени. Тоа се луѓе од умерената опозиција, додаде Ердоган.