Транспаренси: Македонија историски најлошо рангирана според индексот на корупција

Македонија е најлошо рангирана досега на индексот за корупција-покажува извештајот на Транспаренси Интеренешнл. Земјава бележи пад од 5 места во однос на лани и со тоа го зазеде 111 место заедно со Босна и Херцеговина, Панама и Монголија. Земјава заедно со БиХ се на дното во регионот според перцепцијата за корупција.

Ова рангирање е историски најлошо досега откако се мери во земјава, вели Слаѓана Тасева од македонското претставништво на Транспаренси Интернешнл.Таа додава дека земјава не покажува напредок во борбата против корупцијата.. Од регионот подобрувања бележи само Албанија со разлика  од две позиции на ранг листата. 

Највисоко рангирани на листата се: Данска, Нов Зеланд и Финска чиј индекс изнесува во просек околу 88 поени. На дното, државите Сомалија, Јужен Судан и Сирија кои едвај достигнуваат двоцифрен индекс од 10 до 13 поени.

Елена Милошевска