Македонија
17. September 2017 - 9:20

Тешка сообраќајка на патот Прилеп-Битола, патот затворен за сообраќај

Магистралниот пат Прилеп-Битола, во близина на село Српци од 4:40 часот е затворен за сообраќај во двата правци поради сообраќајна несреќа. Како што информира АМСМ, сообраќајот се пренасочува по стариот пат. 

Од вчера (16 септември) има измена на режимот на сообраќајот на магистралниот пат А2, делница Кичево-Охрид (Пресека-Песочани) поради изведување на градежни работи. Режимот на сообраќај е предвиден со преминување од една на друга сообраќајна лента, а ќе трае до завршување на градежните работи. 

Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен.

На граничните премини од македонска страна нема подолги задржувања за влез и за излез од државата.