Тенката половина е битна за бубрезите и црниот дроб

Дали некогаш сте помислиле дека потенката половина, покрај убавината, е битна поради нашето здравје? Луѓето кои имаат повеќе масни наслаги во подрачјето на стомакот исто така имаат повеќе маснотии околу виталните органи како што се бубрезите, црниот дроб или панкреасот па со тоа го зголемуваат ризикот од затнување на крвните садови, срцев удар и сл. Од исклучителна важност е да се гледа обемот на половината, а не само тежината.

Независно од вредноста што ви ја покажува Индексот на телесна маса (БМИ), ако обемот на вашата половина надминува 90 см за жените и 105 см за мажите, влегувате во ризичната група. Јасно им е на сите дека за регулирање на телесната тежини и маснотиите никако не смее да дојде до суфицит на внесот на калориите. Освен тоа, битно е да се минимализира стресот, да се движите, но и да јадете паметно, односно да јадете побавно, пришто поголемо внимание ќе им придавате на мирисот, вкусот и текстурата на храната.

Три напивки за витка половина и здрав живот

Топло какао – совршен за овие студени денови, а поради своите антиоксидативни својства и МАО инхибитори, кои му се составен дел, ќе го намали вашиот апетит. Секако, треба да користите нерафиниран какао прав, а не различни миксови кои се преполни со шеќер и т. н. „празни калории“.

Кафе – кафето има моќ на редуцирање на маснотиите, а со самото тоа го намалува развојот од разни болести како кардиоваскуларните или дијабетес тип 2. Но, со кафето треба да бидете исклучително внимателни, бидејќи преголемото консумирање може да предизвика контраефект!

Зелен чај – катехините во зелениот чај помагаат во редукцијата на маснотиите во подрачјето на половината и стомакот. Стручњаците советуваат барем една шолја дневно, посебно пред оброкот и резултатите набрзо ќе бидат видливи.