Трчањето во зима е корисно

Кога ќе дојде зимата и температурите ќе паднат, трчањето не е привлечно за многу луѓе, но познавачите тврдат дека тоа може да има многу придобивки. Имено, се наведува дека трчањето на студ е пополезно и поздраво за телото отколку на топло време, а некои од придобивките вклучуваат и борба против „зимската тага“, како и согорување повеќе калории, објави „Кликс“.
Иако телото се загрева при трчање, лекарите посочуваат дека престојот на ниски температури може да стимулира една специфична термогенеза, или зголемување на метаболизмот, што се постигнува со активирање на посебно ткиво – одговорно за согорување калории. Исто така, еуфоричната состојба што ја чувствуваат тркачите по истрчани неколку километри, се јавува поради ослободување на ендорфини и ендоканабиноиди, кои го намалуваат стресот и го потикнуваат чувството на среќа. Ова чувство се јавува без оглед на сезоната, а во зимските месеци може дури и да има и поделотворно дејство.
Изложеноста на студ донекаде му помага на телото да се привикне на ладното, што постепено ќе го намали стресниот одговор на телото на зимските временски услови.
Кога трчате во зима, важно е да се облекуваме слоевито, бидејќи тоа го штити телото, преку непречено движење и дишење. Лекарите истакнуваат дека памучните маички не се најдобра опција бидејќи ја впиваат потта, што всушност го разладува телото непотребно. Исто така е важно да носите ракавици или поткошула, бидејќи студот најмногу се чувствува на екстремитетите.
МИА
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
