Тајван донира 10 милиони маски на земјите кои се најтешко погодени од Ковид-19
Тајван ќе донира 10 милиони маски за земјите кои се најтешко погодени од новата пандемија на коронавирус, изјави денеска претседателката Цај Инг-Вен.
Тајван ќе испрати седум милиони маски во 11 европски земји, вклучувајќи ги Италија, Шпанија и Германија, кои имаат најголем број на случаи, потврди за ДПА тајванското Министерство за надворешни работи.
САД ќе добијат два милиони маски и дополнителни еден милион маски ќе бидат испратени до 15-те дипломатски сојузници на Тајван, но Министерството не објасни точно кои сојузници би добиле маски или колку.
Тајван сега е вториот најголем производител на маски во светот и наскоро ќе може да произведува 15 милиони хируршки маски на ден, рече претседателката.
Од 9 април, секое лице опфатено со националното здравствено осигурување на Тајван ќе добива по девет маски на секои 14 дена. Тие се дизајнирани да се носат само еднаш. Маските досега се распоредуваа по три за лице за една седмица.
До вчера, на Тајван беа регистрирани 322 случаи на заразени со новиот коронавирус, од кои пет лица починаа, а 39 пациенти се излекувани, соопшти Центарот за справување со епидемијата.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола