Тај брекот пречка за Ѓорческа на фјучрсот во Москва

Лина Ѓорческа имаше добра шанса да направи изненадување на стартот на фјучрсот во Москва (награден фонд 25.000 долари) и да ја елиминира осмата носителка Полина Виноградова од Русија (318.ВТА листа). По освоениот прв сет со убедливи 6:1 во гемови, во вториот сет кој беше изедначен и решаваше тај брекот. Ѓорческа поведе со 3-0 на поени, но до крајот на сетот освои само еден поен и противничката изедначи на 1:1.

Во решавачкиот сет нашата тенисерка имаше водство од 1:0 и 2:1, а Виноградова сетот го доби со 6:3.

Ѓорческа за настапот на овој фјучрс ќе добие еден поен.

За Ѓорческа останува настапот во двојки каде во четвртфиналето заедно со Погребњак (Русија) ќе играат против четвртите носителки Украинките Корашвили и Страхова.