Тачи: Косово со демаркацијата не губи ни метар од својата територија
Косовскиот претседател Хашим Тачи изјави дека со демаркацијата на границата со Црна Гора не губи ни метар од својата територија и оти Парламентот треба да ја ратификува Спогодбата, со што ќе исполни уште еден значаен критериум во зацврстувањето на државноста.
Тачи, според Лајми.нет, изразува жалење што јавноста постојано е дезинформирана со разни бројки за кои се претендира дека се научна работа.
- Самите лидери на опозицијата еднаш споменуваат 12.000 хектари, другпат 8.000, потоа 10.000 хектари а сега 6.000 хектари.Исто така се случи и смешна ситуација кога во ист ден претставници на иста партија користат различни бројки,-изјавил Тачи.
Тој нагласува дека како претседател на Косово се фокусира и грижи за територијалниот интегритет на Косово, а не на Црна Црна.
- Јас верувам дека косовскиот парламент ќе биде на висината на задачата и ќе ја изгласа ратификацијата на Спогодбата со што ќе стави крај на шпекулациите и насилните однесувања. Прашањето за обележувањето на границата е многу значајно и бара од сите да се откажат од теснопартиските и краткотрајни интереси во полза на големите државни интереси, изјави Тачи.
Според него, изгласувањето на демаркацијата, Косово ќе го направи независна и суверена држава, бидејќи е директно поврзано со два од четири критериуми од Конвенцијата од Монтевидео околу правата и одговорностите на државите.
Ново на Сител
-
Тема на денот со Зоран Крстевски, пратеник во првиот парламентарен состав
-
Мицкоски: Пред 33 години битката беше да се исправиме на нозе, денес за големи чекори
-
Честитки од политичките партии по повод независноста
-
По три години од пожарот во тетовската модуларна болница, одговорност се уште нема
-
За една недела 25 заболени од голема кашлица, хоспитализирани пет деца
-
Минчев: Балансерот се уште на сила, ќе се разговара за укинување
-
Аерозагадувањето треба да се следи и во лето
-
ЈП „Исар“ – Штип во првите 6 месеци од годината со загуба од 4,8 милиони денари