Тачи: Јамајка ја призна независноста на Република Косово
Косовскиот претседател Хашим Тачи објави вечерва преку неговата страница на Твитер дека средноамериканската островска држава Јамајка ја призна независноста на Република Косово, јави дописникот на МИА од Приштина.
Како најзаслужен за овој успех на Косово на меѓународен план, Тачи посебно го посочи демократскиот пратеник во Конгресот на Соединетите Американски Држави, Елиот Енгел.
– Извонредна вест! Штотуку ме информира амбасадорката (во САД) Вљора Читаку дека Јамајка ја призна Република Косово како суверена и независна држава. Знам дека ова е резултат на напорно и долгогодишно лобирање, во кое беше вклучен конгресменот Елиот Енгел. Добро сработено. Благодариме драги пријатели од Кингстон, напиша Тачи.
Косово ја прогласи независноста на 17 февруари 2008 година, по што беше признаена од над 110 држави членки на Обединетите нации. По десетината повлекувања на признавањата од одредени африкански и островски држави, како резултат на лобирањето на српската дипломатија, ова е единственото ново признавање на косовската независност во последните неколку години.
Српската кампања за повлекување на признавањата на косовската независност беше една од главните причини за одлуката на претходната влада, во ноември 2018 година, за воведување такса од 100 отсто на увозот на српски производи, по што беше целосно прекинат дијалогот за нормализирање на односите меѓу двете држави.
Ново на Сител
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите
-
Бугарија бара Бугари и меѓу Македонците муслимани на Косово
-
Проекција на НБРМ: Намален раст и забавена инфлација – Цените на храната двојно повисоки од светските
-
Загрижувачка е состојбата со алергии кај децата
-
Студентите на Правен при УГД-Штип симулираа Европски парламентарни избори