Свет
27. February 2017 - 17:56

СЗО објави листа на најопасни бактерии во обид да поттикне изработка на нови антибиотици

Светската здравствена организација (СЗО) објави листа со 12 најопасни бактерии, во обид да поттикне изработка на нови антибиотици.

- Се зголемува отпорноста на антибиотици и итно бараме опции за третмани, изјави Мари Пол Киени, официјален претставник од СЗО.

Фармацевтските компании се почесто се откажуваат од истражувања за нови антибиотици, поради ризик дека нов лек би станал многу брзо неупотреблив откако бактеријата ќе стане отпорна на него.

СЗО бара владите да ги поттикнат компаниите што работат на нови антибиотици.

Најопасните три бактерии според СЗО се Acinetobacter, Pseudomonas и различни видови на Enterobacteriaceae, меѓу кои и Ешерихија коли.