СЗО објави дефиниција за состојбата „продолжен ковид“
– Светската здравствена организација објави дефиниција за „продолжен ковид“, термин што се користи за да се опишат здравствени проблеми што ги доживуваат луѓето кои прележале коронавирус.
Научниците се уште работат на разбирање на овој синдром. СЗО го дефинира „продолжениот ковид“ како состојба со најмалку еден симптом што обично започнува да се појавува во рок од три месеци од почетокот на потврдената или веројатна инфекција со коронавирус и трае најмалку два месеца.
Симптомите на „продолжена ковид“ може да почнат за време на инфекцијата или да се појават по првпат откако пациентот ќе закрепне. Меѓу најчестите упорни симптоми се наведуваат замор, отежнато дишење и когнитивни проблеми. Други симптоми вклучуваат болка во градите, проблеми со чувството за мирис или вкус, мускулна слабост и брзо чукање на срцето.
Состојбата на „продолжен ковид“ генерално има влијание врз извршувањето на секојдневните активности.
Точниот број на луѓе погодени од оваа состојба се уште не е познат.
Студија од Универзитетот во Оксфорд, во која беа вклучени повеќе од 270.000 луѓе кои се заразиле со коронавирусот, откри најмалку еден симптом во 37 проценти од случаите, при што симптомите се почести кај луѓето на кои им е потребна хоспитализација.
Одделна студија од Универзитетот Харвард, која опфати повеќе од 52.000 луѓе кои имаа вирус и имаа благи симптоми на инфекција или беа асимптоматски, сугерира дека продолжените состојби на ковид може да бидат почести кај пациенти под 65-годишна возраст.
Многу од симптомите на оваа состојба се пријавуваат дека исчезнуваат со текот на времето, без оглед на сериозноста на почетната форма на Ковид-19.
Ново на Сител
-
Јавниот обвинител дава отчет пред пратениците за работата во 2023
-
Енергетиката и инфраструктурата во фокусот на средбата Мицкоски - Вучевиќ во Скопје
-
Мицкоски ќе испрати писмо со институциите на ЕУ, Филипче бара затворена собраниска седница
-
Блерим Беџет: Коалицијата на ДУИ е стабилна - Арбен Таравари: ДУИ треба да се адаптира и реформира
-
Истражување на ЕПИ: Надворешната политика е важна за граѓаните, но тие не се доволно информирани
-
ДСЗИ и стручна комисија го испитуваат случајот со смртта на 14 – месечното дете на Детската клиника
-
Државната статистика пресмета 2,6% инфлација во септември – најголемо е поскапувањето на зеленчукот
-
Mицкоски: Ваучер од 250 евра за комјутер или телефон за сите студенти