-->
-->
Стотици луѓе на погребот на убиената бугарска новинарка Викторија Маринова
-->
Стотици луѓе присуствуваа денес на погребот на убиената бугарска новинарка Викторија Маринова, непосредно откако германската полиција објави дека осомничениот за нејзиното убиство признал дека ја нападнал.
Родините, пријателите и колегите на Маринова се собраа во православната црква во нејзиното родно место Русе на северот на Бугарија, а литургијата ја одржал локален свештеник, пишува Асошиејтед прес.
30-годишната Маринова зад себе остави седумгодишна ќерка.
Телото на Маринова беше најдена во саботата во парк близу Дунав, а полицијата тогаш соопшти дека била претепана, силувана и задавена.
Бугарските обвинители како осомничен го идентификуваа 21-годишниот Северин Красимиров и во отсуство поднесоа против него обвинение за силувањето и убиството на Маринова.
Тој беше уапсен во Германија врз основа на меѓународен налог за апсење, а Бугарија побара негова екстрадиција.
Германското обвинителство објави дека Красимиров признал дека под дејство на алкохол и наркотици се скарал со непозната жена во парк, дека ја удрил во лицето и ја скрил во грмушки. Кажал дека немал намера да ја убие и негирал дека ја силувал или ја ограбил.
Обинителите соопштија дека тој во следните десет дена ќе ѝ биде испорачан на Бугарија.
По шпекулациите дека Маринова била убиена поради својата истражувачка работа, бугарското обвинителство соопшти дека сексуалното злоставување на жртвата е најверојатниот мотив на нападот.
-->
-->
-->
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање