Столтенберг: НАТО ги поздравува контактите на високо ниво на земјите членки со Русија
НАТО ги поздрави билатералните контакти на високо ниво меѓу државите од Алијансата и Русија, изјави генералниот секретар на Пактот, Јенс Столтенберг, цитиран од ТАСС.
- Ги поздравувам билатералните контакти на високо ниво меѓу земјите од НАТО и Русија. Видовме различни средби, вклучувајќи ги и на ниво на министри за надворешни работи. Некои од шефовите на дипломатиите имаа средби со претседателот на Русија, Владимир Путин, изјави Столтенберг во интервју за ТАСС.
„Сум работел со Русија на различни активности. Русија има голема историја, голема култура, земјата помогна во ослободувањето на Норвешка во Втората светска војна. Црвената армија дошла и ја ослободила Норвешка, ние го паметиме тоа и го одбележуваме секоја година“, посочи генералниот секретар на Северноатлантскиот сојуз, кој по потекло е Норвежанец.
- Кога Русија ќе почне да ги чува границите (на Украина) и запре со поддршката и финансирањето на сепаратистите во источна Украина, тоа ќе биде најважниот чекор за подобрување на односите меѓу Русија и НАТО, изјави генералниот секретар на Алијансата.
Тој го подвлече особеното значење на почитување на Минските спогодби за надминување на конфликтот.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден