Старата општинска зграда во Чешиново-Облешево ќе стане културен дом
Општината Чешиново-Облешево во рамки на прекуграничната соработка со Бугарија, аплицираше за реконструкција на старата општинска зграда во културен дом.
Објектот е изграден 1946 година и изминатите години во него беа сместени некогашната општина Облешево, Матичната служба и неколку невладини организации.
- Ова е прв заеднички проект што нашата општина ќе го реализира со општината Бобов Дол од Република Бугарија. Во овој проект, бугарската општина е носител на активностите и тој е во висина од 230 илјади евра, изјави Костадин Личков, градоначалник на општина Чешиново-Облешево.
Во реконструираниот културен дом во Облешево, според Личков, ќе има музејска збирка со археолошки и етнолошки артефакти од облешевскиот крај, сала за состаноци, мала сала за работа на фолклорни и пејачки групи и музичари.
Личков ја најави и соработката со бугарските општини Благоевград и Ќустендил за заеднички проекти финансирани од ИПА програмата.
Ново на Сител
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид