Стагнира бројот на мигранти кои преку Македонија транзитираат кон ЕУ
Неколку дена по ред стагнира бројот на мигрантите кои преку Македонија транзитираат кон земјите членки на Европската унија. Според проценките на сите чинители вклучени во справувањето со бегалската криза тој број се движи од 2.500 до 3.000 луѓе дневно.
Од граничниот камен 59 тие и понатаму пристигнуваат во прифатниот камп во Гевгелија, но во помали групи од по стотина луѓе. Во споредба со последните денови од изминатава недела, нивниот број во кампот и денеска е незначителен.
Според информации од железничка станица во Гевгелија утрово кон Табановце заминал само еден воз со околу 600 мигранти, а во станицата се очекуваат да пристигнат уште две подготвени гарнитури возови кои во текот на денот ќе ги превезуваат мигрантите кон северната граница. Железничарите соопштгија дека во текот на вчерашниот ден од Гевгелија до Табановце биле префрлени повеќе од 2.000 мигранти, чиј што број пак според проценките на УНХЦР и Меѓународниот Црвен крст достигнува до 2.500 луѓе.
Автобусите и такси возилата исто така се подготвени за превоз на мигранти кај мостот на Сува река, но и нивниот број очигледно е многу намален.
Претставниците на невладините организации и многуте граѓански здруженија на секој можен начин им помагаат на мигрантите полесно да се евидентираат, да се нахранат и одморат пред да го продолжат патот. Во магацините постојано притигнува хуманитарна помош за мигрантите. Вчера пакети со храна и вода донираа претставниците на Исламската версла заедница (ИВЗ) во Македонија.
Ново на Сител
-
ВМРО-ДПМНЕ: Дванаесетте директори на Хирургија и министерот Демири се виновни за сите откажани, одбиени и препратени зафати во изминативе 15 дена
-
ЦУК: Во последното деноноќие 1.993 повици на 112, три пожари на отворено
-
Поведена истрага против седум лица за улична продажба нa дрога во Скопје
-
Посебен режим на сообраќај во центарот на Скопје
-
Нетанјаху повикан во американскиот Конгрес додека продолжува офанзивата во Рафа
-
Во Србија денеска се одржуваат локални избори за 89 градови и општини, се гласа и на повторените избори за град Белград
-
Донг: Кина отворена за редовна воена комуникација со САД
-
Сообраќајот на државните патишта се одвива непречено