Стабилно и топло време, а од понеделник нова промена на времето

Во следните денови времето ќе се задржи стабилно и топло со мала до умерена облачност. Максималните температури ќе бидат над просекот за овој период од годината и на повеќе места ќе надминувааат 20 степени. Под влијание на влажен и постуден бран во понеделник во вечерните и ноќните часови ќе настапи промена на времето. На места ќе има врнежи од дожд, а на планините од снег и ќе дува умерен до засилен ветер. Врнежите ќе продолжат и во вторник, а температурите ќе бидат во значително опаѓање.