Српската полиција приведе 51 илегален мигрант близу границата со Бугарија

Припадници на српската полиција денеска во реонот на општина Бабушница, во близина на границата со Бугарија, приведоа 51 илегален мигрант и уапсија уште две лица државјани на Србија, осомничени за криумчарење на луѓе, јави Танјуг.

Како што соопшти српската полиција, мигрантите биле пронајдени во две комбија во близина на селото Звонци.

Оосмничените кримучари на луѓе, на возраст од 35 и 29 години, кои се жители на Белград, се изведени пред јавен обвинител во Пирот, додека илегалните мигранти, чија националност не е соопштена, се префрлени во мигрантски прифатен центар.