Среде ноќ избувна пожар во семејна куќа во Гостивар - има повредени

Избувна пожар во семејна куќа во Гостивар, повредено едно лице. Според информациите на МВр, вчера во 22:20 часот во гостиварската Општа болница „Ферид Мурат“ бил донесен Б.Ј.(40) од Гостивар со изгореници по телото што ги здобил во пожар во неговиот стан. Додека спиел во дневната соба од засега неутврдени причини избувнал пожар, кој за кусо време го изгаснала неговата сопругата која исто така се здобила со изгореници на рацете. По укажаната лекарска помош, Б.Ј. е пренесен во скопските клиники, каде е задржан за натамошно лекување. Се преземаат мерки за расчистување на случајот.