Средба на Мицкоски со Кристијан Даниелсон
Претседателот на ВМРО-ДПМНЕ г. Христијан Мицкоски денес (29 јануари 2019 година), заедно со потпретседателот Александар Николоски и меѓународниот секретар Тимчо Муцунски, оствари средба со Директорот на Директоратот за соседство и преговори за проширување на Европската комисија, г. Кристијан Даниелсон, заедно со Амбасадорот на ЕУ во Македонија, Самуел Жбогар.
На средбата се говореше за актуелните политички случувања, стратешките приоритети на државата како и за реформските процеси клучни за остварување на стратешките цели на Република Македонија.
Претседателот на ВМРО-ДПМНЕ на своите соговорници им ги посочи слабите резултати на власта на полето на реформите кои се од суштинско значење за членството на Македонија во Европската Унија. Мицкоски напомена дека власта исклучително заостанува со реформите од областа на правосудството, справувањето со корупцијата како и заштитата на животната средина.
Тој посочи дека корупцијата и криминалот го разјадуваат општеството, а владата се става во улога на заштитник.
Мицкоски, истакна дека за Македонија членството во НАТО и во ЕУ е од стратешки и државен интерес и токму поради тоа на Македонија и е потребна Влада посветена на реформските процеси.
Соговорниците беа согласни дека Евроатланската интеграција на Македонија е клучна за стабилност и просперитет на Балканот, а поддршката на Европската Унија е клучна за остварување на стратешките цели на државата.
Центар за комуникации на ВМРО-ДПМНЕ
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници