Спотовите на ВМРО-ДПМНЕ со ликот на Рускоска предизвикале душевна болка кај обвинителката
Двата тв спотови со ликот на Вилма Рускоска кои во текот на кампањата беа емитувани по нарачка на ВМРО-ДПМНЕ предизвикале, загриженост, анксиозност и душевна болка кај обвинителката. Ова е наведено во вештачењето кое со тужбата против партијата го приложила Рускоска.
На денешното судење, нејзиниот адвокат наведе дека во спотовите на ВМРО-ДПМНЕ немало критика за нејзиното постапување туку на најгруб начин станувало збор за нејзино бележување дека својата функција не ја извршува законски. Нејзината одбрана наведе дека Рускоска работела повеќе од две децении и надлежните органи како Советот на Јавни обвинители немале забелешка за нејзината работа.
Адвокатот на ВМРО-ДПМНЕ вели спотовите во кои се користел ликот на Рускоска не се клевета туку критика и таа како јавен функционер била должна да докаже дека е наклеветена.
Според адвокатот, станувало збор за значајно прашање од јавен интерес кое очигледно ја налутило обвинителката.
Според тужбата, Рускоска бара ВМРО-ДПМНЕ поради клевета сторена со спотовите во кои таа наводно работи по наредба на СДСМ, да и исплати штета од 10 илјади евра.
Зоран Јаневски
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ