Уругвај го победи Бразил за прв пат по 22 години

Репрезентацијата на Уругвај го победи Бразил со 2:0 ноќеска во квалификацискиот натпревар за Светското првенство 2026 година.

Уругвајците за прв пат по 22 години ги победија Бразилците во квалификациите за Светското фудбалско првенство.

Покрај тоа, Уругвај стана првиот тим кој го победи Бразил во квалификациите за КОНМЕБОЛ по повеќе од осум години. Бразилците немаа пораз од 8 октомври 2015 година (33 натпревари).

Благодарение на оваа победа, селекцијата на Уругвај е изедначена со Бразил во поредокот - по седум бодови. Репрезентациите се на 2. и 3. место. Лидер е Аргентина со максимални 12 бода.