Според руското МО предлозите на САД за координирање на акциите против ИД може да бидат прифатени

Според руското Министерство за одбрана, предлозите на САД за координирање на дејствата против Исламска држава може да бидат прифатени. Тоа го најави денеска Игор Конашенков, портпарол на руското МО.

- Министерството за одбрана на Русија оперативно ги разгледа предлозите од Пентагон за координација на акциите во рамки на борбата против исламска држава на сириска територија. Сметаме дека тие предлози може да бидат прифатени за реализирање, изјави тој.

Конашенков вели дека сега треба да се прецизираат некои технички детали на експертско ниво.

Од 30 септември руските ВВС извршуваат удари врз цели на ИД во Сирија со над 50 авиони и хеликоптери.