Спасовски: Граѓаните да ги пријавуваат сите случаи на корупција, се разгледува можност Кочани да добие СВР
Граѓаните да ги пријавуваат сите случаи на корупција за да можат истражните органи да преземат соодветни мерки за нејзино спречување и намалување, повика министерот за внатрешни работи, Оливер Спасовски, при денешната работна посета на Кочани.
Во врска со случајот „Рекет“ тој нагласи дека ресорното министерство постапува според насоките добиени од Јавното обвинителство за гонење организиран и сериозен криминал.
– МВР постапува по случајот, затоа што ако немавме соодветни информации ќе немаше ниту случај. Сакам да ја истакнам подготвеноста, лично моја и на колегите, максимално да ги вложиме сите расположиви капацитети, со цел да се расчисти, не само овој случај, туку и сите други каде има криминал и корупција. Затоа ги охрабрувам граѓаните, ако имаат каков било проблем во секој сегмент, што се однесува на криминал и корупција, отворено да го пријават, рече Спасовски.
Тој информира дека се анализира состојбата на подрачјето на Полициската станица во Кочани и се очекува да заврши до крајот на август, за да можат, подвлече, да се произнесат дали ќе пристапат кон промена на Законот и менување на статусот на станицата во Сектор за внатрешни работи.
Според Спасовски, во изминатитот период од државниот буџет се вложени околу 7,5 милиони денари со кои е извршена реконструкција на зградата на Полициската станица во Кочани со што се обезбедени подобри услови за работа на полициските службеници и за пристапот кон граѓаните.
Министерот Спасовски присуствуваше и на состанок со членовите на Советот за превенција на Општина Кочани, при што се разговараше за заштитата од пожари во текот на летниот период и беа најавени санкции за прекршителите на законските одредби кои нелегално палат оган на отворен простор.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово