Советот за безбедност на ОН повика на брзо формирање влада во Либан
Советот за безбедност на ОН синоќа повика на брзо формирање влада во Либан во, како што рече, „клучна“ фаза за стабилноста на земјата и регионот по претседателските избори.
Поздравувајќи го изборот на Џозеф Аун за претседател на 9 јануари, пополнувањето на функцијата по повеќе од две години и назначувањето на Наваф Салам за премиер, Советот за безбедност ги „охрабрува“ новите лидери „брзо да формираат влада“.
- Советот за безбедност нагласува дека формирањето влада е од клучно значење за стабилноста и отпорноста на Либан на регионалните и националните предизвици и ги охрабрува сите страни во Либан да покажат зголемено единство во постигнувањето на оваа цел, се вели во соопштението.
Советот за безбедност, исто така, ја потврдува својата цврста поддршка за територијалниот интегритет, суверенитет и политичката независност на Либан и ги повикува сите страни да го почитуваат ноемврискиот прекин на огнот меѓу Израел и Либан.
Израел го засили својата бомбардирање во септември и испрати војници во Либан по речиси една година прекугранични престрелки со проиранскиот Хезболах.
Кревкиот прекин на огнот стапи на сила на 27 ноември, но Советот за безбедност е загрижен поради извештаите за прекршување на договорот.
Ново на Сител
-
Пукање во Чаир, еден убиен и двајца повредени
-
Какви мерки ќе има за цените?
-
Со инвестиции од 55 милиони евра во енергетиката, ќе се обезбеди струја за 20.000 домаќинства
-
Пад на листата за перцепција на корупцијата според Транспаренси
-
Сиљановска-Давкова: Членовите на Судски совет сами да си дадат оставка – Не се избрани да бидат скандал мајстори
-
Измените на Кривичниот законик утре пред Уставен – Околу 800 лица досега се спасиле од одговорност
-
Заклучоци од владина седница
-
Контакти со Бугарија се уште нема – Оптимизмот останува