Советот на Општина Крива Паланка усвои одлука за воведување зонско паркирање во градот
На денешната, четиринаесетта, седница на Советот на Општина Крива Паланка беше усвоена одлуката за воведување зонско паркирање во централното градско подрачје, а во наредните два месеци ќе слеи период на прилагодување и адаптација на граѓаните.
Според градоначалникот на Крива Паланка, Сашко Митовски, одлуката следува по спроведената јавна анкета на која 53 отсто од граѓаните се изјасниле „за“ воведување зонско паркирање.
-Носиме храбри одлуки за решавање горливи проблеми на граѓаните. Со оваа одлука отпочнува решавањето на сообраќајниот метеж во Крива Паланка којшто е еден од клучните приоритети најавен и во мојата предизборна програма . Со зонско паркирање ќе стопанисува ЈП „Комуналец“, што подразбира приходите да остануваат во општината,а цената ќе биде утврдена дополнително, по изработка на основниот проект со финасиска анализа. Очекувам сумата да биде симболична и минимална, рече Митовски.
Планирано е да се понуди бесплатен алтернативен паркинг за сите што поради работни обврски во раните утрински часови ги оставаат возилата во центар.
-Задолжително ќе следи тест-период од два месеци за прилагодување адаптација за да се стекне навика кај граѓаните. Дотурот на роба во маркетите и дуќаните на главната улица ќе се врши од 6 до 9 часот наутро и попладне од 17 до 19 часот. За сите жители од станбените згради ќе има повластени услови за парикарње, а сите граѓани ќе можат да користат 10 минути запирање и паркирање без наплата за извршување на обврските, додаде Митовски.
Одлуката не ја поддржаа советниците од советничката група на ВМРО-ДПМНЕ и коалицијата.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година