Советот на Општина Аеродром донесе одлука за распишување референдум за населување мигранти

Советот на Општина Аеродром на денешната седница донесе одлука да се распише референдум во врска со прашањето за населување и интеграција на мигранти на територијата на Општината.

Референдумот, како што информираат од Општината, би се одржал заедно со локалните избори закажани за 15 октомври годинава, со цел да не се создаваат дополнителни трошоци.

Одлуката не ја поддржаа советниците на опозициската советничка група на СДСМ.