Сообраќајка во Велес, тешко повредено едно лице

Вчера во 06.50 часот било пријавено дека во Велес, на крстосницата од ул.„Благој Ѓорев“ и ул.„Луј Пастер“, се случила сообраќајна незгода помеѓу товарно  возило „мерцедес“, со велешки регистарски ознаки, управувано од Д.Д.(51) од Чашка и мопед „томос“, со велешки регистарски ознаки, управуван од И.К.(56) од с.Башино Село, велешко.

По незгодата возачот на мопедот бил пренесен во Општата болница Велес за укажување на лекарска помош, каде му биле констатирани тешки телесни повреди.

Извршен бил увид на местото на незгодата од Јавен обвинител и увидна екипа од СВР Велес, информираат од МВР.