Собраниска делегација на Интерпарламентарна конференција во Белград
Македонска собраниска делегација на 13 април во Белград ќе учествува на семинар на тема „Инструмент за пред-пристапна помош во руралниот развој: Научени лекции и идни перспективи", што се одржува во рамките на Интерпарламентарната конференција во организација на Европскиот парламент и во соработка со Народното Собрание на Република Србија.
Во собраниската делегација се пратениците Татјана Прентовиќ, Мира Стојчевска, Реџаиљ Исмаили и Панче Минов, од Комисијата за земјоделство, шумарство и водостопанство.
Интерпарламентарната конференција треба да ја отворат Ненад Чанак, претседател на Комисијата за европска интеграција од Народното Собрание на Република Србија Чеслав Сиекиерски, пратеник во Европскиот парламент и претседател на Комисијата за земјоделство.
Обраќање се очекува да има Маја Гојковиќ, претседател на Народното Собрание на Република Србија, Јадранка Јоксимовиќ, министер за европски интеграции, Бранислав Недомовиќ, министер за земјоделство шумарство и водостопанство и Едуард Кукан, пратеник во Европскиот парламент и член на Комисијата за надворешни работи.
На претстојната Интерпарламентарна конференција се очекува да учествуваат и Зоран Јанјатовиќ, помошник министер за секторот за рурален развој, Бобан Илиќ, генерален секретар за рурален развој и животна средина (SWG) за Југо Источна Европа и Наталија Богданов од Факултет за земјоделство - Белград.
Ново на Сител
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија