Со лажни фактури увезени и регистрирани четири автобуси
Кочанчаните Б.П.(49), М.Ц (54). и Д.А.(28) во октомври минатата година направиле лажни фактури и ги употребиле во постапка за увоз, идентификација (хомологација) и регистрација на четири автобуси произведени во 2002 година. Против нив СВР Штип поднесе кривична пријава поради постоење основи на сомнение дека сториле продолжено кривично дело „фалсификување исправа“.
Поднесена е кривична пријава и против Б.Е. (40) од Скопје кој е осомничен за кривично дело „несовесно работење во службата“, а кој, како управител на техничката служба за хомологација „АМ Церт“ ДООЕЛ Скопје, на 26 ноември лани на М.Ц. и Д.А. им издал четири согласности за регистрација на наведените возила.
Како што информира МВР во редовниот Билтен, на 9 ноември лани по завршување на постапката за хомологација, првопријавениот, во име на второ и третопријавениот склучил купопродажен договор со Д.П. од Штип, за продажба на автобусите. Претходно обезбедената документација, првопријавениот му ја предал на Д.П., којшто потоа, без да знае за вистиноста на фактурите, документација и автобусите ги предал на правното лице „Евро Транс“ ДООЕЛ Штип. Автобусите биле регистрирани на 16 февруари годинава.
Ново на Сител
-
СИРИЗА ќе ги поднесе во грчкиот Парламент трите меморандуми со Северна Македонија
-
Пендаровски се откажа од државна пензија
-
До четврток облачно и дождливо, в петок пораст на температурата
-
Приватните специјализанти очекуваат новиот министер веднаш по назначувањето да ги повика на разговори
-
Тешка сообраќајка меѓу две возила, две лица повредени
-
Прегазена малолетничка во Штип
-
Куманово: Приведен 38 годишник кој допирал три малолетнички по телото
-
7-месечно бебе од Вевчани починало откако паднало на глава од креветче