Со голи раце тргна на разбеснетиот питбул: Кучето држеше дете (4) за врат, Бразилецот влета во последна минута

Дваесетгодишниот Патрик до Сеу истрчал на улица за да спаси дете кое било нападнато од питбул.

Со голи раце го туркал кучето од себе додека на успеал 4-годишното дете да го стави на покрив на автомобил.

Безбедносните камери го снимија моментот кога кучето го нападнало 4-годишниот Жоао Педро во една улица од Рио де Женеиро. Питбулот го гризнал детето по рацете и нозето и почнал да го влече по земја пред да го спаси Патрик.

Освен што на снимката се гледа застрашувачкиот напад врз детето, се гледа и момчето како трча кон него за да го спаси детето. Подоцна тој изјавил за медиумите дека во тој момент мислел на својата двегодишна ќерка.

„Си замислив дека тоа е мојата сопствена ќерка. Таа има само две години, но е иста висина. Кога видов што се случува, се уверив дека тоа е таа и инстинктивно реагирав. Кога го повлеков кучето од детето, видов дека ги зарил забите во неговиот врат“, рече Патрик и истакна дека себеси не се смета за јунак. Кога кучето него го нападнало откако го зграпчил детето, и самиот Патрик се качил на покривот од автомобилот за да се спаси.

Патрик и Жоао морале да чекаат половина час на покривот од возилото пред да стигне помошта. Дадилката на детето изјавила дека кучето наеднаш се појавило и го нападнало детето.

Двајцата се здобиле со полесни телесни повреди, а детето било гризнато и за вратот. Бидејќи кучето не било чипирано, не се знае кој е сопственик. Кучето моментално се наоѓа на набљудување кај локален ветеринар, пренесува Дејли Мејл.