Снегот ги заштити есенски посеви, студот закана за младите лозја и овошки
Формираната снежна покривка насекаде во Македонија ги заштити есенските посеви од екстремните минимални температури, но поларниот студ може да предизвика измрзнување кај младите лозја и овошки, посебно долж Повардарието и во Малешевијата.
Како што информира УХМР, ниските температури кои во житородните региони Битола и Штип достигнаа -24,6 и -20,6 степени, се повисоки од историските податоци и многугодишниот просек, -30,4 степени во Битола и -22,7 во Штип.
- Издржливоста на посевите во вакви услови е многу поголема од овие измерени температури. Но, минималните температури забележани во изминатиот период, од -10 во Гевгелија до -28 во Берово и -16,6 во Демир Капија, укажуваат на опасност од делумно измрзнување на родните окца кај виновата лоза, особено кај младите насади. Слична е состојбата и со овошните насади во Малешевијата каде температурите беа повисоки од -28 степени, а издржливоста на коскестите видови е од -25 до -35, особено кај младите насади кои имаат поголемо количество сокови во стеблото и гранките и се поподложни на измрзнување, велат агрометеоролозите.
Според нив, евентуалните штети од измрзнување во овој момент не може да се констатираат се додека не почне пролетното кроење каде може и дополнително да се коригираат одредени состојби.
- Во наредниот период повремените врнежи од снег ќе ја одржуваат снежната покривка на ниво кое е доволно за заштита, заради фактот дека и сувиот мраз го испарува снегот и ја намалува дебелината на покривката. Очекуваните минимални утрински и дневни температури ќе бидат повисоки од повеќе постигнатите, со што презимувањето ќе се изведува со сличен интензитет, објаснуваат од УХМР.
Ново на Сител
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника