Силјановска за Беличанец: Најголем вознемир предизвикуваат вестите за нечија прерана смрт

Секоја загуба боли. Веста за секоја смрт погодува. Но, најголем вознемир предизвикуваат вестите за нечија прерана смрт. Посебно кога смрта не била судбина…

Длабоко ме потресе веста за заминувањето на личност како Билјана Беличанец-Алексиќ, чиј лик и глас допирал во секој наш дом, кој ни станал близок и кој ќе ни остане врежан во сеќавањата. Таа имаше уште толку многу да ни даде нам и на театарската уметност. Но, ќе остане запомнета, меѓу другото, и како една од ретките жени градоначалнички во Република Македонија. Нека почива во мир, напиша на својот Фејсбук профил кандидатот за претседатеч Гордана Силнановска Давкова по веста за смртта на актерката Билјана Беличанец.