Штрајкот на комуналните работници во Берово ставен во мирување
Штрајкот на комуналните работници во Берово од денеска е ставен во мирување. На работниците им е исплатена една плата, а Советот на Општина Берово во најскоро време треба да одржи седница на која ќе се донесе одлука за субвенционирање на претпријатието од средствата од ребалансот на општината со кои ќе се покријат трошоците на претпријатието за 2015 година кои изнесуваат над три милиони денари.
Како што истакна Коста Трајановски член на ШО, работниците денеска го ставија штрајкот во мирување со цел да покажат добра воља, но доколку надлежните не се придржат на договореното, штрајкот ќе биде повторно активиран.
- Добивме цврсто убедување од директорот дека до крајот на месецот ќе биде исплатена уште една плата, а една веќе добивме, а до средината на идниот месец уште една плата со што вработените ќе имаат и здравствено осигурување. По долготрајна дискусија одлучивме да го ставиме штрајкот во мирување и да покажеме добра волја, рече Трајановски.
Штрајкот на комуналните рабоотници од Берово траеше 12 дена, а започна како резултат на финансиската криза во претпријатието кое има стари и нови долгови од над 30 милиони денари и незадоволството на работниците поради неисплатените 4 плати.
Ново на Сител
-
Дебарчанец почина откако паднал од зграда каде работел
-
Одрон на автопатот Скопје - Велес, поплави во Крушевско и забрана за камиони на патот Струга – Ќафасан
-
Приведени две Бугарки во Скопје, краделе паричници и банкарски картички, успеале да одземат околу 134,000 денари
-
Сообраќајот на државните патишта се одвива во зимски услови, сите правци проодни
-
Мицкоски: Наш приоритет не се изборите, туку реформите и проектите
-
Николоски: На ниво на држава сите патни правци се проодни и никаде нема застој
-
Лидерот на опозицијата во Гренланд повика на директни преговори со САД за статусот, без Данска
-
Лажен лекар измамил 77-годишна штипјанка за сума од 700.000 денари
