Дебарчанец почина откако паднал од зграда каде работел
Жител на Дебар денеска претпладне го загуби животот откако паднал од станбена зграда во изградба, каде што извршувал работни задачи. Од здобиените тешки повреди тој починал на пат кон Општата болница со проширена дејност во Дебар.
Како што информира Стефан Димоски, портпарол на СВР Охрид, околу 11:35 часот Одделението за внатрешни работи Дебар добило пријава од Итната медицинска помош дека на пат кон болницата починал К.С. (40) од Дебар.
-Денеска околу 11:35 часот во Одделението за внатрешни работи, од Итна медицинска помош е пријавено дека на пат кон болницата во Дебар починал К.С. (40) жител на градот. Според пријавеното, околу 11:15 часот тој паднал од зграда во изградба на улица „Братство единство“ во Дебар, каде што работел, и на пат кон болницата починал, изјави Димоски.
На местото на настанот излегле јавен обвинител и трудов инспектор, а увид извршила екипа од ОВР Дебар.
Според информации од жители на Дебар, станува збор за нивен сограѓанин кој работел на поставување врати и прозорци на објектот. Тие го опишуваат како добро и вредно момче.
МИА
Популарно од Македонија
Ново на Сител
-
Апелација им ги зголеми казните на сите 13 обвинети во случајот со велешката група за сексуална злоупотреба и изготвување порнографски материјал со дете-жртва
-
Притвор од 30 дена за синот кој ја уби својата мајка во Росоман
-
ЈОРСМ: За првпат потпишан поединечен Колективен договор за вработените во Јавното обвинителство
-
Иран: Секој агресор што ќе посегне по островот Харг ќе „оди во пеколот“
-
Кривична против 27-годишникот од Росоман за убиство на својата мајка
-
Мицкоски на средба со Орбан: Македонија и Унгарија градат силно стратешко партнерство, економијата е во фокусот
-
Мицкоски: Форумот во Будимпешта носи нови партнерства, Македонија меѓу водечките во Европа по инвестиции
-
Исчезнат скопјанец најден мртов, до него пронајден пиштол
