Штип бара поддршка од воздух за гаснење на пожарите
Пожарникарите, хеликоптерите, припарниците на АРМ и Полицијата, како и на останатите институции од утринава се на терен за да го гасната пожарот на планината Серта на две критични точки, над селото Драгоево и на ридот Штракалево меѓу селото Драгоево и полигонот Пенуш, информираше денеска командирот на ТППЕ-Штип, Благој Ренџов по одржаниот координативен состанок во Општина Штип.
-На терен рано од сабајле е излезена војската, од 40 до 60 припадници на Армијата, од ТППЕ –Штип имаме излезено две возила, потоа една цистерна и еден џип. Состојбата се следи бидејќи на полигонот Пенуш е ризично да се дејствува имаме неиспукана муниција. Таму ја следиме состојбата и чекаме поддршка од воздух, вели Ренџов.
Тој потенцираше дека во зоната околу полигонот Пенуш е забрането за движење на населението, а дозвола имаат само војската и пожарникарите. Ренџов вели дека овој пожар може да се изгасне само со поддршка од воздух.
Градоначалникот на Општина Штип, Иван Јорданов по координативниот состанок со претставници на институциите за пожарите на планината Серта вели дека потребно е дејствување од воздух во штипскиот регион, бидејќи станува збор за непристапен терен.
МИА беше до селото Драгоево, ги затекнавме припадниците на Армијата, кои со камион се упатија кон ридот Штракалево, од селото не може да се види огнот, бидејќи е подлабоко во планината и низ доловите, но се гледаше и мирисаше на чад.
Ново на Сител
-
Бакарни сигнални кабли синоќа биле украдени на пругата Велес - Градско
-
Дали е истата како онаа на СДСМ?
-
Од четврток попладне во прекин системите е-ПДД, е-Даночни услуги и МојДДВ
-
Законските измени за покачување на пензиите поминаа на Влада
-
Мицкоски: Имаше обид да ме поткупат за Коридорот 8
-
Гаши: Се надевам дека на 3 септември ќе има соочување на аргументи, како ќе одлучи пленумот, така ќе постапиме
-
Владата ја презентираше Нацрт реформската агенда за периодот 2024 - 2027 година
-
Неготинец со лажна патна исправа сакал да подигне кредит