Шокантна исповед на берберот на Тито: Ми рече, изгледа ќе умрам!

Мухамед Бајриќ од Сребреница, во текот на својата долгогодишна кариера како фризер за клиенти имал бројни познати личности од културниот, политичкиот и спортскиот живот на поранешна Југославија. Некои од легендите кој се нашле на неговата фризерска столица се Тито, Алија Изетбеговиќ, Бранко Микулиќ, Даворин Поповиќ, Мирза Делибашиќ.

Бајриќ далечната 1960 година се стекнал со занаетчиска диплома, година пред редовниот рок и во 15 година од својот живот заслужено ја добил титулата најмлад квалификуван работник во поранешна Југославија. Таа година го напуштил родниот град и се преселил во Сараево.

Се потсетува на разговорот со Тито кој го шишал во 1969 година, а кој во краткиот разговор го прашал од каде е и како постигнал успех во својот знает.

„Му реков дека сум од Сребреница и дека 1960. дојдов во Сараево. Ми рече дека три пати се подготвувал да оди во Сребреница во ловиштето и не му се допаднало.

„Изгледа ќе умрам, а нема да ја видам твојата Сребреница, се потсетува Бајриќ на Титовите зборови.